» » Azərbaycanın məmur qardaşları: Kim kiminlə qardaşdır? - SİYAHI

Azərbaycanın məmur qardaşları: Kim kiminlə qardaşdır? - SİYAHI

Azərbaycanın məmur qardaşları: Kim kiminlə qardaşdır? - SİYAHI














Ölkənin idarə olunmasında yaxından iştirak edən, hər biri müxtəlif sahəyə məsul dövlət məmurlarının həyatı ictimai diqqət çəkir. Əslində burada qəribə bir şey də yoxdur. Bir insan məşhurdusa, yüksək dövlət vəzifəsi daşıyırsa, ictimaiyyətin onun həyatına, ətrafındakı insanlara maraq göstərməsi təbiidir.

AZXEBER.COM Azərbaycanda yüksək vəzifə daşıyan məmurlarla bağlı araşdırma aparıb.

Araşdırma nəticəsində məlum olub ki:

Meliorasiya və Su Təsərrüfatı ASC-nin sədri Əhməd Əhmədzadə ilə Zaqatala rayon İcra Hakimiyyətinin başçısı Mübariz Əhmədzadə qardaşdır. Əhməd Əhmədzadənin 73, Mübariz Əhmədzadənin isə 71 yaşı var. Ə.Əhmədzadə 12, M.Əhmədzadə isə 9 ildir eyni vəzifəni daşıyır.

Əmlak Məsələləri Dövlət Komitəsinin sədri Kərəm Həsənovla Milli Məclisin deputatı Malik Həsənov qardaşdır. Kərəm Həsənovun hazırda 49, Malik Həsənovun isə 47 yaşı var. İddialara görə, M.Həsənov paralel olaraq qeyri-rəsmi sahibkarlıq fəaliyyəti ilə məşğuldur və ölkənin ən böyük tikinti şirkətlərindən olan "Azinko”nun sahibidir.

Baş prokurorunun müavini, hərbi prokuror Xanlar Vəliyevlə Gəncə şəhər İcra Hakimiyyətinin başçısı Elmar Vəliyev qardaşdır. Xanlar Vəliyevin 63, Elmar Vəliyevin isə 58 yaşı var. E.Vəliyev bir müddət öncə sui-qəsdə məruz qalsa da, hazırda səhhəti yaxşıdır və müalicəsini davam etdirir.

Kənd Təsərrüfatı Naziri İnam Kərimovla Əmək və Əhalinin Sosial Müdafiəsi nazirinin müavini Mətin Kərimov qardaşdır. İnam Kərimovun 41, Mətin Kərimovun isə 39 yaşı var. İ. Kərimov son təyinata qədər Asan Xidmətin sədri, M.Kərimov isə Vergilər Nazirliyinin idarə rəisi vəzifələrində çalışıb.

Qafqaz Müsəlmanları İdarəsinin sədri Şeyxülislam Allahşükür Paşazadə ilə Milli Məclisin deputatı Cavanşir Paşazadə qardaşdır. Şeyxülislamın 69, C.Paşazadənin isə 65 yaşı var. Hələ sovetlər dönəmindən bütün Qafqazın Şeyxi statusunu qoruyan A.Paşazadə tarix elmləri doktoru, professordur.

Ədliyyə nazirinin müavini Məhərrəm Əliyevlə Milli Məclisin deputatı Adil Əliyev qardaşdır. Məhərrəm Əliyevin 67, Adil Əliyevin isə 49 yaşı var. M.Əliyev bundan öncə Bakı şəhər Baş Polis İdarəsinin rəisi və Prezident Adminstrasiyasında məsul vəzifədə çalışıb.

Dini Qurumlarla İş üzrə Dövlət Komitəsinin sədri Mübariz Qurbanlı ilə Bakı şəhər Prokurorluğunun prokurorluqda istintaqa nəzarət şöbəsinin rəisi Tarıyel Qurbanov qardaşdır. Mübariz Qurbanlının 64, Tarıyel Qurabanovun isə 59 yaşı var. M.Qurbanlı eyni zamanda hakim Yeni Azərbaycan Partiyası icra katibinin müavinidir.

Dövlət Yol Polisi İdarəsinin rəisi, general-mayor Ramiz Zeynalovla bugünlərdə Tovuz rayon İcra Hakimiyyətinin başçısı vəzifəsindən azad edilmiş Tofiq Zeynalov qardaşdır. 67 yaşlı general 24 ildir Baş Dövlət Yol Polisi İdarəsinə rəhbərlik edir.

Xatırladaq ki, vaxtilə yüksək vəzifə daşımış sabiq məmurlar arasında da qardaşlar az olmayıb.

Sabiq Nəqliyyat naziri Ziya Məmmədov Milli Məclisin keçmiş deputatı Elton Məmmədovla, sabiq İqtisadi İnkişaf naziri Fərhad Əliyev "Azpetrol”un keçmiş rəhbəri Rafiq Əliyevlə, sabiq Əmək və Əhalinin Sosial Müdafiəsi naziri Əli Nağıyev Səbail rayon Polis İdarəsinin keçmiş rəisi Nazim Nağıyevlə, sabiq Təhsil naziri Misir Mərdanov Rabitə və Yüksək Texnologiyalar Nazirliyinin keçmiş aparat rəhbərinin müavini İlham Mərdanovla qardaşdırlar.

Qardaşlar nümunəsi digər sahələrdə də var. Misal üçün "ATV” teleradio şirkətinin rəhbəri Azər Xəlilovla "CBC” teleşirkətinin rəhbəri Vüqar Xəlilov qardaşdır.
Oxşar xəbərlər
«    Avqust 2019    »
BeÇaÇCaCŞB
 1234
567891011
12131415161718
19202122232425
262728293031 

Mədəniyyət